JUNIAS

Maysa nga immawat iti naisangsangayan a kablaaw iti surat ni Pablo kadagiti taga Roma (16:7). ‘Kakabagianna’ da Andronico ken Junias. Nupay ti Griego a sao a nausar ditoy ket mabalin a kaipapananna ti “kailian,” ti kangrunaan a kaipapananna ket “kabagian a maymaysa ti kaputotanda.” Dagitoy a dua ket ‘pada ni Pablo a kautibo,’ ken mabalin a nakaduana ida iti pagbaludan. Agpadada nga inawagan ni Pablo iti “lallaki nga agdindinamag kadagiti apostol,” nalabit kas pananglagipna iti nasayaat a pakasarsaritaanda kadagiti apostol. ‘Nabaybayagdan a naikaykaysa ken Kristo ngem ni Pablo a mismo,’ a mangipasimudaag nga immun-unada a nagbalin nga adalan.