LEBONA

Lugar a nadakamat kas pangibasaran iti panangsinunuo iti ayan ti Silo. (Uk 21:19) Maikunkuna a dayta ita ti el-Lubban (Lubban Sharqiya), agarup 5 km (3 mi) iti laud nga amianan-a-laud ti naisingasing a disso ti Silo, ngem di masigurado dayta. Nupay kasta, ti panangdakamat ti Biblia iti Silo kas “tumurong iti abagatan ti Lebona” mabalin nga ipasimudaagna nga idi damo, ti siudad nadaydaya pay ngem iti daytoy naisingasing a disso.