LO-AMMI

[Saanko nga Ili].

Ti nagan ti maikadua nga anak nga impasngay ti asawa ni Oseas a ni Gomer. Imbilin ni Jehova a ti ubing ket mapanaganan iti daytoy napnuan kaipapanan a nagan a mangipakita a linaksid ni Jehova ti awanan pammati nga Israel. (Os 1:8, 9) Naikuna a daytoy nga ubing ket saan a putot ni Oseas no di ket bunga ti pannakikamalala ni Gomer (Os 1:2), ta idi nayanak ni Jezrael, naikuna a “nangipasngay [ni Gomer] kenkuana [Oseas] iti anak a lalaki,” idinto ta no maipapan ken Lo-ammi naikuna laeng a “nagsikog ket nangipasngay iti anak a lalaki.”​—Os 1:3, 8.