MADMEN

[mabalin a nagtaud iti sao a kaipapananna ti “ganagan”].

Mabalbalin a maysa a lugar idiay Moab a naipadto nga aglak-am iti didigra babaen iti kampilan. Iti Jeremias 48:2, ti sasao a “Sika, met, O Madmen, rebbeng nga agulimekka,” ti nakaipatarusan ti Hebreo a sasao a gam-madh·menʹ tid·domʹmi. Patien ti adu nga eskolar a ti umuna a letra nga m iti madh·menʹ (“Madmen”) ket di inggagara a naulit manipud immun-una a sao (gam). No awan ti umuna a letra nga m, dagiti konsonante ti Madmen ket kapadpada dagiti konsonante ti Dimon, isu a masansan a naibilang nga agpada ti Madmen ken ti Dimon (mabalin a ti Dimna, agarup 10 km [6 mi] iti amianan ti Karak). Nupay kasta, nalabit saan a tumukoy ti Madmen iti maysa nga aktual a disso, yantangay dagiti patarus ti Griego a Septuagint, Syriac a Peshitta, ken Latin a Vulgate dakamatenda a ti sasao a ‘Wen, sika [Moab] naan-anay a mapagulimekkanto’ ti naaramat iti kadaanan a Hebreo a teksto.