MATATIAS

[manipud Heb. a Matitias, kaipapananna ti “Sagut ni Jehova”].

1. Ti Griego a nagan iti Septuagint a tumukoy iti Korita a Levita a ni Matitias, ti inauna ni Sallum.​—1Cr 9:31; kitaenyo ti MATITIAS Num. 2.

2. Ti Griego a porma a nausar iti Septuagint maipaay iti “Matitias,” maysa kadagiti “annak ni Jedutun.”​—1Cr 25:3; kitaenyo ti MATITIAS Num. 1.

3. Maysa a lalaki iti tribu ni Juda, naawagan “anak ni Amos” iti kapuonan ni Jesus iti dasig ti inana.​—Lu 3:23, 25.

4. Sabali pay a lalaki iti tribu ni Juda, naawagan “anak ni Semein,” a nagbiag kalpasan ti kaaldawan ni Zorobabel ken nadakamat iti kapuonan ni Jesus nga inlanad ni Lucas.​—Lu 3:23, 26, 27.