MATITIAS

[Sagut ni Jehova].

1. Maysa a Levita a nagtokar iti arpa idi naipan idiay Jerusalem ti lakasa ti tulag manipud iti balay ni Obed-edom. (1Cr 15:17-21, 25) Nalabit karaman met daytoy a Matitias kadagiti Levita a musikero nga insaad ni David iti sanguanan ti Lakasa “tapno mangipalagip ken tapno agyaman ken mangidaydayaw ken Jehova a Dios ti Israel” (1Cr 16:4, 5) ken idi agangay isu daydiay nabunot manipud kadagiti annak ni Jedutun tapno idauluanna ti maika-14 a benneg ti 12 a Levita a musikero.​—1Cr 25:1, 3, 9, 21.

2. Maysa a Cohatita a Levita a nagtaud iti pamilia ni Core ken inauna nga anak ni Sallum. Daytoy a Matitias ket maysa kadagiti Levita a nagsubli manipud pannakaidestiero idiay Babilonia ken ‘nadutokan iti akem nga agaywan iti bambanag a linuto kadagiti pariok.’​—1Cr 9:31, 32.

3. Maysa a Levita wenno padi a nagtakder iti makannawan ni Esdras idi a ti managkopia imbasana ti Linteg ni Moises kadagiti Judio a naguummong idiay Jerusalem.​—Ne 8:1, 4.

4. Maysa nga Israelita a karaman “iti annak ni Nebo”; maysa kadagidiay nangala iti ganggannaet nga assawa a babbai ngem nangpapanaw kadagita ‘agraman annakda’ idi kaaldawan ni Esdras.​—Esd 10:25, 43, 44.