MEROZ

Lugar nga inlunod ti maysa nga anghel gapu ta dagiti agnanaed sadiay saanda a ‘timmulong ken Jehova.’ (Uk 5:23) Mabalin a saanda a timmulong ken Barak, ti komandante a dinutokan ni Jehova, idi nakiranget kadagiti Canaanita nga indauluan ni Sisera. (Uk 5:5-16) Wenno, no ti Meroz adda iti dalan a nagtarayan ti naabak a ni Sisera, nalabit a dagiti agnanaed sadiay saanda a tiniliw daytoy a lalaki. (Uk 4:17) Gapu ta ti salaysay ti Biblia ibinsabinsana ti natured a tignay ni Jael iti panangpapatayna ken Sisera, mabalin a mapasingkedan daytoy naud-udi a panangmatmat. (Uk 5:24-27) Ti anghel a nangisawang iti lunod ket mabalin a maysa kadagidiay nakirupak maipaay iti Israel.

Saan nga ammo ti eksakto nga ayan ti Meroz, nupay ti dadduma di sigurado a kunaenda nga adda dayta idiay Khirbet Marus, agarup 8 km (5 mi) iti abagatan ti Kedes iti Neftali.