NAFTUHIM

Karaman iti listaan dagiti kaputotan ni Mizraim nga anak ni Ham. (Ge 10:6, 13, 14; 1Cr 1:11, 12) Kas iti dadduma pay a nagan iti daytoy a listaan, dagiti eskolar gagangay nga usarenda ti pangadu a pormana tapno matukoy ti maysa a tribu wenno ili. Yantangay ipapan dagiti eskolar a ti nagan ket awag iti lugar a nagyanan dagita a tattao, masansan nga inaigda ti Naftuhim iti maysa nga Egipcio nga ebkas a kaipapananna ti “dagidiay adda iti Delta,” ken iramanda dagiti Naftuhim kadagiti agnanaed iti Makimbaba (makin-amianan) nga Egipto. Saan pay a napaneknekan no pudno dagitoy a kapanunotan.