LEHABIM

Nagan a masarakan iti Genesis 10:13 ken iti 1 Cronicas 1:11 a karaman kadagiti kaputotan ni Ham babaen ken Mizraim. Yantangay pangadu ti porma ti Hebreo a nagan, patien ti adu nga eskolar a ti tuktukoyenna ket ti maysa a tribu a ti naganna naala iti maysa kadagiti annak ni Mizraim. (Nupay kasta, kitaenyo ti MIZRAIM.) Kadawyan a maikunkuna a dagiti Lehabim ket isu dagiti taga Libya ket kasla buklenda ti maysa kadagiti tribu nga agnanaed iti Libya idi nagkauna a tiempo. Nupay narigaten a maammuan no siasinoda, nalabit isuda met laeng ti Lu·vimʹ a nadakamat iti sabali pay a paset ti Hebreo a teksto, kas iti 2 Cronicas 12:3, a pakabasaan iti “Lubim” no iti American Standard Version ket iti dadduma pay a patarus ti mabasa ket “dagiti taga Libya.”​—Mo; NW; RS.