NETANIAS

[Nangted ni Jehova].

1. Maikatlo a nainaganan kadagiti uppat nga annak ni Asaf a pinili ni David maipaay iti panagserbi kas musikero iti santuario. Iti 24 a benneg, indauluan ni Netanias ti maikalima.​—1Cr 25:1, 2, 12.

2. Maysa a Levita iti grupo a buklen ti papadi, dagiti Levita, ken piprinsipe nga imbaon ni Ari Jehosafat idi maikatlo a tawen ti panagturayna tapno isuroda ti linteg ni Jehova kadagiti siudad ti Juda.​—2Cr 17:7-9.

3. Anak ni Selemias ken ama ni Jehudi, a nangbasa iti lukot ni Jeremias iti sanguanan ni Ari Jehoiaquim idi 625 K.K.P.​—Jer 36:14, 21, 23.

4. Ti anak ni Elisama ken ama ni Ismael a nangpapatay ken Gobernador Gedalias.​—2Ar 25:23, 25; Jer 40:8, 14, 15; 41:1-18.