BAGANGAN

[Heb., leta·ʼahʹ].

Bassit a salamandra wenno nagipus nga agbiag iti takdang ken iti danum, umarngi iti banias ngem awan siksikna ken nabalkut iti nalamuyot, nabasa, naingpis a kudil. Nainaig dayta iti tukak ken nailanad a karaman kadagiti narugit a parsua iti Mosaiko a Linteg. (Le 11:29, 30) Ti adda bedbedna a bagangan (Triturus vittatus) ti Asia Menor ken Siria mailasin babaen iti nangisit a bedbed iti agsumbangir a bakrang ti bagina. Napatanor iti danum, agbiag iti takdang iti dua wenno tallo a tawen kalpasan a mapukawna dagiti asangna, kalpasanna agsubli iti danum tapno agyan sadiay iti natda a paset ti panagbiagna.