FEATURE
Nasapa a Paset ti Natauan a Biag ni Jesus
TI REKORD ti Biblia maipapan iti nasapa a paset ti biag ni Jesus ket ababa ngem espesipiko. Saan a parparbo nga estoria no di ket pudpudno a pasamak dayta. Nadakamat ti luglugar a mabalin a sarungkaran uray ita—ti Betlehem, Egipto, Nazaret, ken Jerusalem. Ti petsa ken panangilawlawag ti Biblia kadagitoy a pasamak ramanenna dagiti natan-ok a tattao a kas kada Cesar Augusto, Gobernador Quirinio, Ari Herodes a Dakkel, ken Arquelao—nga aminda ket pagaammo iti sekular a pakasaritaan.
Ti buya ti Betlehem, a nakayanakan ni Jesus.
Ladawan a mangipakita kadagiti kasasaad idi mayanak
Modelo ti palasio ni Herodes a Dakkel, a makita ita idiay Jerusalem. Ni Ari Herodes ti nangpadas a mangipapatay iti ubing a ni Jesus
Bronse a sinsilio ni Arquelao. Idi nadamag ni Jose nga agturturay ni Arquelao idiay Judea, pinagyanna ti pamiliana iti ruar ti teritoria a sakup ni Arquelao, idiay Nazaret
Bronse a sinsilio a pinataud ni Herodes a Dakkel ken namarkaan iti naganna
Ti pannakailadawan ti templo nga umarngi iti nalabit buya ti Jerusalem idi umuna a siglo
Ni Jesus idi 12 ti tawenna bayat ti kaaddana iti templo idiay Jerusalem, a situtugaw iti tengnga dagiti mannursuro ket nagimdeng ken nagsalsaludsod kadakuada
Kas agtutubo idiay Nazaret, nagtrabaho ni Jesus kas allawagi a sinursuruan ti pannakaamana
En Nasira (Nazerat) idiay Galilea, ti mabalbalin nga ayan ti nagkauna a Nazaret a dimmakkelan ni Jesus