ONESIFORO

[Manangyeg Gunggona].

Maysa a Kristiano a natukoy iti maikadua a surat ni Pablo nga agpaay ken Timoteo. (2Ti 4:19) Naiduma ni Onesiforo kadagiti sabsabali a taga distrito ti Asia a timmallikud ken Pablo ta nagtalinaed kas nasungdo a manangsaranay ken sipipinget a sinapulna ni Pablo idiay Roma nupay napeggad dayta. Saanna nga imbain dagiti pannakaparaut ni Pablo iti pagbaludan no di ket sisasayaat a nagserbianna ti apostol, kas iti inaramidna idiay Efeso. Kasta unay ti panangapresiar ni Pablo iti daytoy a kinasungdo ket inkararagna nga umawat koma ni Onesiforo ken ti sangakabbalayanna iti asi ni Jehova.​—2Ti 1:15-18.

Ti panangpakablaaw ni Pablo iti sangakabbalayan ni Onesiforo imbes a ni Onesiforo a mismo (2Ti 4:19) ket saanna a kayat a sawen a natay idin ni Onesiforo, nupay adda posibilidadna a kasta. Ngem mabalin a saanna a kadua ti pamiliana iti daydi a tiempo, wenno nairamanen iti kablaaw nga agpaay iti sangakabbalayanna a manamatida amin.