RECAB

[Kumakaruahe].

1. Maysa a Benjamita nga anak ni Rimmon a Beerotita. Ni Recab ken ti kabsatna a ni Baanah ket agpada a kapitan ti bunggoy dagiti tulisan. Pinapatayda ni Is-boset, ti anak ken suno ni Saul, ket indatagda ti ulona ken David, a nangnamnamada a makagun-odda iti pabor, ngem ni David impapatayna ida a dua gapu iti nadangkes nga aramidda maibusor iti nalinteg a tao.​—2Sm 4:2, 5-12.

2. Maysa a Keneo nga ama wenno inapo ti kadua ni Jehu a ni Jehonadab ken inapo dagiti Recabita.​—1Cr 2:55; 2Ar 10:15, 23; Jer 35:6, 8, 14, 16, 18, 19; kitaenyo ti RECABITA, DAGITI.

3. Ama wenno inapo ti Malkias a timmulong ken Nehemias a nangtarimaan iti ruangan ti pader ti Jerusalem. (Ne 3:14) No isu met laeng ni Recab a Num. 2, ti kaadda ni Malkias ti mangpasingked iti kaitungpalan ti kari ni Jehova kadagiti Recabita a masarakan iti Jeremias 35:19.