SAFAT

[napaababa a porma ti Sefatias, kaipapananna ti “Nangukom ni Jehova”].

1. Maysa a panguluen a nangibagi iti tribu ni Simeon kas maysa kadagiti managsimisim a nangbusbos iti 40 nga aldaw idiay Naikari a Daga; anak ni Hori.​—Nu 13:2, 5, 25; kitaenyo ti MANAGSIMISIM.

2. Maysa kadagiti agpaspastor kadagiti arban ni Ari David; anak ni Adlai. Dagiti arban nga inaywanan ni Safat ket adda kadagiti nababa a tanap.​—1Cr 27:29.

3. Ama ni mammadto Eliseo.​—1Ar 19:16, 19; 2Ar 3:11; 6:31.

4. Maysa a kaputotan ni Gad a nagnaed idiay Basan.​—1Cr 5:11, 12.

5. Maysa kadagiti kaputotan ni Ari David kalpasan ti pannakaidestiero.​—1Cr 3:22.