SIMRON

1. [Siitan a Bassit a Kayo]. Maysa nga anak ni Isacar. (Ge 46:13; 1Cr 7:1) Karaman isuna kadagiti “annak ni Israel a dimteng iti Egipto.” Dagiti kaputotanna, dagiti Simronita, ket nagbalin a maysa kadagiti pamilia ti Isacar.​—Ge 46:8; Nu 26:23, 24.

2. [Nagtaud iti sao a kaipapananna ti “guardia”]. Maysa nga ili a kimmappon ti arina kadagiti Canaanita nga agnanaed iti amianan a pinarmek ni Josue iti dandanum ti Merom. (Jos 11:1, 5, 8; 12:20; kitaenyo ti SIMRON-MERON.) Karaman ti Simron iti bingay ti tribu ni Zabulon. (Jos 19:10, 15) Maikunkuna nga isu ti Khirbet Sammuniyeh (Tel Shimron), agarup 8 km (5 mi) iti laud ti Nazaret.