SIMRON-MERON

Maysa nga ili, ti pagturayan ti maysa nga ari a pinarmek ni Josue. (Jos 12:7, 8, 20) Nalabit dayta ti kompleto a nagan ti ili a Simron, wenno mabalin a panangtukoy iti pannakaparmek ti ari ti Simron kas maysa kadagiti naabak iti dandanum ti Merom. (Jos 11:1, 5, 7, 8) Iti sumagmamano a manuskrito, agsina dagitoy a nagan kas dua nga ili, Simron ken Meron, ngem awan ti lugar a naawagan Meron iti dadduma pay a bersikulo.