SOMER

[manipud iti sao a ti kaipapananna ket “guardia”].

1. Maysa a kaputotan ni Aser a ti uppat nga annakna ket panguluen ken pannakaulo ti pamilia. Semer ti naaramat a naganna iti dadduma a paset ti Kasuratan.​—1Cr 7:30, 32, 34, 40.

2. Ni Jehozabad, maysa kadagiti nangpapatay ken Ari Jehoas ti Juda, ket nayam-ammo kas anak da Somer ken “Simrit a babai a Moabita.” (2Ar 12:21; 2Cr 24:26) Ti Somer ket panglalaki a sao iti Hebreo; ti Simrit ket pangbabai. Kunaen ti dadduma a ni Somer ti ama ni Jehozabad ket ni Simrit ti inana. Nupay kasta, mabalin a ni Somer ket ama ni Simrit. No umiso daytoy, ni Jehozabad ket apoko ni Somer, agsipud ta ti termino nga “anak” ket masansan a kaipapananna ti kaputotan.