DANGAN

Sukat iti kaatiddog nga agarup katupag ti distansia iti nagbaetan ti ungto ti tangan ken ti ungto ti kikit no maukrad ti ima. (Ex 28:16; 39:9; 1Sm 17:4; Eze 43:13) Ti dua a dangan katupagna ti maysa a kasiko; ket ti tallo a sangadakulapan, maysa a dangan. Adda pammaneknek nga 44.5 cm (17.5 pul.) ti kaatiddog ti kasiko a gagangay nga inar-aramat dagiti Israelita. (Kitaenyo ti KASIKO.) Maitunos iti dayta, ti dangan ket 22.2 cm (8.75 pul.) ti kaatiddogna.

Iti panangitampokna iti kinanaindaklan ni Jehova, inyimtuod ni mammadto Isaias: “Siasino ti . . . nangrukod iti mismo a langlangit babaen iti maysa laeng a dangan?”​—Isa 40:12.