ESTATER

Pirak a sinsilio a naibayad kas buis iti templo maipaay ken Jesus ken iti apostolna a ni Pedro. Katupag ti uppat a drakma, aggatad dayta iti agarup uppat nga aldaw a tangdan idi a tiempo. (Mt 17:24, 27) Matmatan dayta ti adu nga eskolar kas tetradrakma a naaramid idiay Antioquia, Siria, wenno idiay Tiro. Ti tetradrakma ti Tiro, agarup kadakkel ti kagudua-doliar ti Estados Unidos, naburikan iti ulo ti dios a ni Melkart iti makinsango a sikigan, maysa nga agila a nakabatay iti timon ti barko iti makinlikud a sikigan, ken iti kitikit a pakabasaan ti “Tiro a Nasantuan ken Di Maparmek.” Ti maysa a kalanglanga ni Emperador Augusto nagparang iti tetradrakma ti Antioquia.