TEMANITA

[Iti (Kukua ti) Teman].

Termino a tarusan ti kaaduan kas tumukoy iti maysa a tao nga umili ti Teman idiay Edom. Ti maysa a nagkauna nga Edomita nga ari, ni Husam, ket manipud iti “daga dagiti Temanita. (Ge 36:31-34) Ni Elifaz ket Temanita ken maysa kadagiti tallo a kakadua ni Job. (Job 2:11; 4:1; 42:7) Yantangay maibagbaga nga asideg ti Edom iti daga ti Uz (nagnaedan ni Job), kasla agparang a naggapu ni Elifaz idiay Teman iti daga ti Edom. Nupay kasta, patien ti dadduma nga eskolar a posible a saan a taga Teman ti Elifaz a nadakamat iti libro ti Job, no di ket taga Tema, lugar a maikunkuna nga isu ti nadam-eg a disso iti Peninsula ti Arabia agarup 400 km (250 mi) iti abagatan a daya ti Ezion-geber.​—Job 6:19.