TERTULO

[manipud Latin, sabali pay a porma ti Tercio].

Maysa a pumapalawag iti publiko a nangidatag iti kaso dagiti Judio maibusor ken Pablo iti saklang ni Gobernador Felix idiay Cesarea. Sigun iti inrekord ni Lucas, kaaduan a sasao nga insawang ni Tertulo ket personal a mangpadpadayaw ken Felix, nga ababa laeng ti imbagana nga akusasion maibusor ken Pablo, ket kinunana nga adda pakainaigan ni Pablo kadagiti masansan nga iyaalsa maibusor iti Roma. (Ara 24:1-8) Saan a masinunuo no ania ti nasionalidad ni Tertulo, no isu ket Judio wenno Romano.