TEUDAS

Maysa a rebelde a nangirugi iti iyaalsa a kaduana ti agarup 400 a lallaki, maysa a tiempo sakbay ti 6 K.P. Daytoy a Teudas ti umuna kadagiti pagarigan a dinakamat ti Fariseo a ni Gamaliel mainaig iti maysa a tignay a saanen a nangparnuay iti riribuk kalpasan a napapatay ti nangidaulo iti dayta, iti kasta naguyugoyna ti Sanhedrin a saanda a rirriribuken ti kabbaro pay laeng kongregasion Kristiano kalpasan la unay ti ipapatay ni Jesus.​—Ara 5:34-40.