TIBNI

Anak ni Ginat; maysa a nakiinnagaw iti panangituray iti sangapulo-tribu a pagarian ti Israel kalpasan ti pito nga aldaw a turay ti maikalima nga ari ti Israel a ni Zimri idi agarup 951 K.K.P. Iti daydi a gundaway, nabingay dagiti umili no siasino kada Tibni ken Omri ti rumbeng nga agbalin nga ari. Kalpasan ti uppat a tawen a maipagarup a panagtultuloy ti sibil a gubat, narisut met laeng ti isyu; naabak ni Tibni kadagiti mangsupsuporta ken Omri ket isu napapatay.​—1Ar 16:15, 21-23.