TIDAL

Ti ari ti Goiim ken maysa kadagiti tallo a monarka a kaaliado ni Ari Kedorlaomer. Inturayanda ti lima nga ar-ari nga adda iti asideg ti Natay a Baybay. Kalpasan ti 12 a tawen a panangiturayda, nagrebelde kadakuada dagiti lima a naabak nga ar-ari. Da Tidal, Kedorlaomer, ken ti dadduma pay a kakaduada nagpalaudda tapno pagpatinggaenda ti panagrebelde. Iti panangaramidda iti dayta, nangalada kadagiti samsam ken kautibo, pakairamanan ti kaanakan ni Abraham a ni Lot. Kinamat ni Abraham dagiti manangirurumen ket nabawina dagiti kautibo ken dagiti nakamkam a sanikua, ngem saan a nadakamat no nakautibo wenno napapatay ni Tidal wenno dagiti ar-ari a kaduana.​—Ge 14:1-17.