UZZI

[napaababa a porma ti Uzzias].

1. Maysa nga anak wenno kaputotan ni Tola a kameng ti tribu ni Isacar. Ni Uzzi ken ti sumagmamano kadagiti kaputotanna ket nagbalin a pannakaulo ti sangakabbalayan dagiti inapo.​—1Cr 7:1-3.

2. Maysa a kaputotan ni Benjamin babaen ken Bela. Ni Uzzi ket ulo ti pamilia iti tribu.​—1Cr 7:6, 7.

3. Maysa a kaputotan ni Aaron babaen ken Eleazar iti linia ti nangato a padi; mabalin nga apoko ni Finehas iti tumeng; inapo ti mannurat ti Biblia a ni Esdras.​—1Cr 6:3-6, 51; Esd 7:1-5.

4. Maysa a Benjamita a ti anak wenno kaputotanna ket nagnaed idiay Jerusalem kalpasan ti pannakaidestiero.​—1Cr 9:3, 7-9.

5. Maysa a manangaywan dagiti Levita idiay Jerusalem iti sumagmamano a tiempo kalpasan ti pannakaidestiero; kaputotan ni Asaf.​—Ne 11:22.

6. Pannakaulo ti napadian a sangakabbalayan ni Jedaias iti dasig ti amana idi tiempo ti suno ti nangato a padi a ni Jesua, a ni Joiaquim. (Ne 12:1, 12, 19) Mabalin nga isu met laeng ti Num. 7.

7. Maysa a padi nga adda iti templo a kadua ni Nehemias maipaay iti inagurasion ti nabangon manen a pader ti Jerusalem. (Ne 12:27, 40-42) Nalabit isu met laeng ti Num. 6.