ZEBOIM

[Dagiti Hyena].

1. Maysa a ginget iti teritoria ti Benjamin, iti asideg ti Micmas. Idi kaaldawan ni Ari Saul, maysa a bunggoy dagiti manangkamkam a Filisteo ti rummuar tapno dumarup manipud Micmas ken “bumaw-ing iti dalan nga agturong iti beddeng a tumannawag iti ginget ti Zeboim, nga agpalet-ang.” (1Sm 13:16-18) Nupay saan a sigurado ti ayanna, ti ginget ti Zeboim ket mabalin nga isu ti Wadi Abu Dabaʽ (a kaipapananna, “Ginget ti Ama Dagiti Hyena”) agarup 10 km (6 mi) iti daya nga abagatan-a-daya ti Micmas ken agarup 13 km (8 mi) iti daya nga amianan-a-daya ti Jerusalem.

2. Maysa nga ili a nagnaedan dagiti Benjamita kalpasan ti isusublida manipud pannakaidestiero idiay Babilonia. Nailanad kalpasan ti Hadid ken sakbay ti Neballat ken Lod (Lidda). (Ne 11:31, 34, 35) Saanen nga ammo ita ti eksakto nga ayanna.