HADID

Siudad dagiti inapo ti sumagmamano a Benjamita a nagsubli manipud pannakaidestiero idiay Babilonia (Esd 2:1, 2, 33; Ne 7:6, 7, 37; 11:31, 34), kadawyan a maikunkuna nga isu ti el-Haditheh (Tel Hadid), maysa a nagpanawan a purok dagiti Arabo nga agarup 5 km (3 mi) iti daya nga amianan-a-daya ti Lod (Lidda). Pagarupen ti kaaduan a ti Hadid ket mabalin nga isu met laeng ti “Huditi” a nadakamat iti Listaan ni Thutmose III iti Karnak, ken ti “Adida” iti Apokripa a libro ti Umuna a Macabeo (12:38; 13:13, RS, ekumenikal nga edision), a sadiay nadeskribir kas adda iti Sefela ken matantannawaganna ti tanap iti igid ti baybay.