Ti Poligamo ken Mangkukulam Naammuanna ti Kinapudno

MAYSA a lalaki nga Africano nga agnagan Isaac, agraman sumagmamano a dadduma a lallaki, ti immikay manipud iti Apostolic Church iti bariona gapu ta dida ar-aramiden ti ikaskasabada. Iti kamaudiananna aminda, agraman dagiti assawada, nagbalinda a Saksi ni Jehova​—malaksid ken ni Isaac. Naikeddengda ti bumisita kenkuana ket isalaysayda kenkuana a nasarakanda ti kinapudno. Ni Isaac, kabayatanna, ti nagbalin a naballigi a mangkukulam ken addaan sumagmamano nga asawa. Kalpasan ti pannakipagadalna iti broshur a Tagiragsakenyo ti Biag nga Agnanayon Ditoy Daga! maipapan iti estilo ti panagbiagna, insuko ni Isaac ti panangkukulamna a dakkel a panguartaanna ken kasta met dagiti assawana malaksid daydiay immun-una kadakuada. Pinagbalinna a legal ti panagasawana iti immun-una nga asawana, nga idin ket 63 años (isut’ 68 idi). Kunana nga isut’ “nakaragragsaken ken siwayawaya, a din agbuteng kadagiti espiritu.”