Tinawen a Miting Oktubre 6, 2001

MAANGAY TI TINAWEN A MITING dagiti miembro ti Watch Tower Bible and Tract Society of Pennsylvania inton Oktubre 6, 2001, iti Assembly Hall of Jehovah’s Witnesses, 2932 Kennedy Boulevard, Jersey City, New Jersey. Maangay ti umuna a miting dagiti miembro laeng iti alas 9:15 ti bigat, a sarunuen ti mismo a tinawen a miting iti alas 10:00 ti bigat.

Dagiti miembro ti korporasion rebbeng a pakaammuanda ti Opisina ti Sekretario itan iti aniaman a panagbalbaliw ti pakaipatulodan ti suratda bayat ti napalabas a tawen tapno dumanon kadakuada inton Hulio dagiti regular a pakaammo a surat ken surat kadagiti mangisaup (proxy).

Dagiti surat kadagiti mangisaup, a maipatulod kadagiti miembro agraman ti pakaammo ti tinawen a miting, masapul a maisublida tapno makagteng iti Opisina ti Sekretario ti Sosiedad a saan a naladladaw ngem Agosto 1. Tunggal miembro rumbeng a kompletuen ken isublina nga insigida ti surat para iti mangisaup kenkuana, nga ibagana no personal nga addanto iti miting wenno awan. Ti impormasion a naited iti kada mangisaup rebbeng a piho iti daytoy a punto, ta dayta ti pangdeterminaran no siasino dagiti tumabuno.

Ti intero a sesion, agraman ti pormal a miting ti korporasion ken dagiti report, ket manamnama nga agpatingga iti ala 1:00 ti malem wenno di agbayag kalpasanna. Awan ti sesion iti malem. Gapu iti limitado nga espasio, ti makastrek ket babaen ti tiket laeng. Awan dagiti urnos a panangikonektar iti tinawen a miting babaen dagiti linia ti telepono iti dadduma nga auditoriom.