Paregtaen Dagiti Estudiante ti Biblia nga Agprogreso
1 Iti Ebanghelio ti termino a “disipulo” isut’ agaplikar kadagidiay saan laeng a mamati iti sursuro ni Kristo ngem nasingedda pay a sumurot met kenkuana. (Mat. 28:19, 20) Ipateg aya dagiti estudiante ti Biblia daytoy? Kasanotayo a maparegta ida nga agprogreso iti panagbalinda a disipulo?
ITURONG TI INTERES ITI ORGANISASION
2 Ti panagprogreso iti estudiante isut’ naisinggalut iti panangipategna iti organisasion ni Jehova. Gapuna, responsabilidadtayo kas maestro nga iturong iti interes ti estudiante iti organisasion ti Dios. Kadagiti naglabas a tawtawen naparegtatayo a mangusar iti lima agingga ti sangapulo a minutos iti kada sesion ti panagadal iti Biblia a mangilawlawag kadagiti bambanag maipapan ti organisasion. Ti broshur a Dagiti Saksi ni Jehova—Agkaykaysa a Mangar-aramid iti Pagayatan ti Dios iti Sangalubongan isut’ ekselente a maipaay iti daytoy a panggep. Addaanen aya dagiti estudianteyo ti Biblia iti maysa a kopia? No awan pay, ikagumaanyo a maaddaanda a madagdagus. Paregtaenyo ida a basaenda dayta, ken ilawlawagyo nga usigenyo iti ababa a benneg iti kada panagadalyo.
3 Dagiti impormasion idiay pinanid 14 ken 15 iti Mangar-aramid iti Pagayatan ti Dios a broshur isudat’ mamatanor iti panangipateg iti kada gimong ti kongregasion. Apay a dikay kobrian iti uray maysa wenno dua a parapo iti kada lawas? Ipakitayo no kasano a ti kada gimong ket punnuanna iti kada nasken a kasapulan. Sibabara a pabilgenyo ida a makikuyog kadakayo idiay Kingdom Hall tapno personal a mapadasanda iti unidad ken ayat iti tallaong dagiti tattao ni Jehova.—Sal. 133:1; Juan 13:35.
PARAYRAYENYO ITI ESPIRITUAL NGA PANAGDAKKEL
4 Kasapulan dagiti agdadamo ti panagadal, nga agprogresoda iti pannakaammo ken aplikasion iti Sao ti Dios. Maipuon iti daytoy a rason itultuloytayo nga iyadal iti Agbiag nga Agnanayon ken ti Nagkaykaysa iti Panagdayaw a libro uray no ti estudiante ket nabautisaranen sakbay a nakompleto dagitoy a publikasion. Kasta met, itudotayo iti pateg ti pannakaadda iti suskripsion ti Pagwanawanan ken Agriingkayo! ken mangala iti sabsabali pay a publikasion ti Sosiedad tapno maidanggayda iti “rukod ti abasto a taraon iti umiso a tiempo.” (Luc. 12:42) Dagidiay a mangaramid iti dayta isuda ti makaramut, makadakkel, ken mapalagda iti pammati.—Col. 2:7.
5 Dagiti estudiante ti Biblia kasapulanda iti tulong tapno dumakkelda iti kinanataengan. (Heb. 5:14) Masapul nga itukontayo kadakuada iti komendasion tapno maparegtada nga agprogreso. (Fil. 3:16) Iramramannan aya dagiti bambanag a naadalna iti pamiliana ken kadagiti am-ammona? No maikarin, nagpalista kadin iti Teokratiko a Pagadalan iti Ministerio? Natarigagay aya nga agbalinen a kas agibumbunannag?
6 Dikay lipatan iti bileg ti kararag a maipaay kadagidiay estudiante iti Biblia. Idawatyo ken Jehova nga iturongna ida a mangipangag. (1 Cor. 3:6, 7) Sapay koma ta agtignaydan a makitimpuyog iti kongregasion tapno manayonan pay iti dayaw a maipaay iti nagan ni Jehova.