Pilien Dagiti Maitutop a Puntos a Pagsasaritaan
1 Ania ti maaramidtayo a pangparegta kadagiti tattao a bumasa a regular iti Ti Pagwanawanan ken Agriingkayo!? Masapul nga addaantayo ti makapainteres a puntos a mapagsaritaan no irekomendatayo dagiti magasina iti sabsabali. No kabisadotayo dagiti tattao idiay teritoria ken addada iti panunottayo no basaentayo dagiti magasina, mabalintayo a biruken dagiti mapagsaritaan a puntos a mangallukoy ti interesda.
2 Kadagiti dadduma a lugar agpapada iti nalikudan dagiti tattao, a daytoy ti mamaglaka a kumita iti paginterasan dagiti kaaduan. Ngem kadagiti dadduma a lokalidad, masarakan dagiti tattao iti nagduduma a nagtaudan. No adda iti panunot dagiti nagduduma a puntos a mapagsaritaan, mapilitayo daydiay kasayaatan a maiparbeng iti kada tao a masabettayo. Kas ehemplo, iti kada ruar ti Agriingkayo! adda masinnunuo nga artikulo a nairanta kadagiti agtutubo. Masansan a kayat dagiti lallaki ti benneg a “Panangmatmat iti Lubong,” wenno sientipiko nga artikulo, bayat a dagiti asawa a babbai ket pagragsakanda dagiti artikulo maipapan ti pamilia. Manangusigkayo koma a pumili kadagiti mapagsaritaan a puntos.
3 Dikay koma nadaras a mangipuera kadagiti daan a ruar dagiti magasina no maawatyo dagiti baro. Maysa a kabsat a lalaki ti masansan a mangiparang iti tallo wenno uppat a ruar iti Ti Pagwanawanan ken Agriingkayo! iti bumalay ken palubosanna nga isut’ agpili ti kayatna a basaen.
4 Adu dagiti tattao nga uray adda interesda iti kinapudno, ti saan a nagprogreso agingga iti punto nga awatenda ti panagadal iti Biblia. Ngem ti interesda isut’ mabalin a makultibar no adda sumarungkar a regular babaen iti kada ruar dagiti magasina. Wen, ti matalek a panangitulod kadagitoy iti maysa a ruta ti magasina isut’ timmulong kadagiti tattao nga iti kamaudiananna ket kimmanunongda a maaddaan ti panagadal iti Biblia.
5 Babaen ti kanayon a panangusar iti maitutop a puntos a pagsasaritaan, mabalintayo a matignay dagiti dadduma a bumasa ti magasina ken nalabit a mairugitayo ida iti dalan nga agturong ti biag. (Mat. 7:14) No ipaaytayo ti naannad a panangusig iti daytoy a nasken a banag, manamnamatayo iti bendision ni Jehova.