Tulongan iti Dadduma a Mangammo Maipapan iti Katan-okan a Tao
1 Adu dagiti nakabasa iti libro a Ti Katan-okan a Tao a Nagbiag Pay Laeng ti nangiyebkas iti panangipategda ti epektona iti biagda. Insurat ti maysa: “Idi naungpotkon ti libro, nariknak a kasla inawisnak ni Jesus a makitimpuyog kenkuana, nga agbiag iti sibayna, a makiraman iti panagsagabana, ti emosionna, iti kada benneg ti ministeriona.”
2 Ti Katan-okan a Tao a libro isut’ timmulong kadatayo a mas makaam-ammo saan laeng a ken Jesus ngem kasta met ken Jehova. (Juan 14:9) Maysa nga agedad iti 12 ti nagkuna maipapan iti libro: “Liniwliwanak iti kasta unay ket inkararagko ken Jehova a buyogen ti lulua iti rag-o kalpasan a nabasak. Iti unegko a mismo, nasiguradok a naammuan a ni Jehova ken ni Jesus ket sipsiputandatayo.” Ti panangadal iti daytoy a libro maipapan ti biag ni Jesus isut’ mangted kadatayo iti nagpaiduma a pannakaawat maipapan ti personalidad ni Jehova agsipud ta ni Jesus “ti naan-anay a mangibagi iti kinaisuna.”—Heb. 1:3.
3 Nasuroken a 19 a milion a kopia daytoy Katan-okan a Tao a libro ti naimaldit iti nasurok a 70 a pagsasao. Maysa nga interesado a tao ti nangiringpas a nangbasa las-ud iti dua a lawas manipud idi naalana. Nakuna ti maysa a klero: “Diak maibbatan daytoy a libro. Siak ken ni asawak ti nangbasa iti sumagmamano a benneg ti kada rabii sakbay a maturogkami.”
4 Impormal a Panangsaksi: Maysa a kabsat a lalaki ti nangipakita iti daytoy Katan-okan a Tao a libro kadagiti tattao idiay lugar ti panggedanna. Inlista dagiti katrabahona no siasino dagiti agtarigagay iti maysa a kopia. Nakaipaima iti 461 a libro! Lima kadagidiay a nakaawat kadagitoy ti mangad-adalen. Maysa a kabsat a babai, bayat a nagbiahe iti eroplano, nakaipaima ti Katan-okan a Tao a libro iti maysa a padi. Daytoy a padi ti adda idiay Vaticano iti 40 a tawtawen. Magundawayantayo amin dagiti oportunidad a mangirekomenda iti daytoy a libro iti dadduma.
5 Tagipatgen Dagiti Agtutubo: Nagsurat ti maysa nga agedad ti siam: “Ti paboritok a publikasion isu daytoy Ti Katan-okan a Tao a Nagbiag Pay Laeng agsipud ta nawadwad iti naadalko kenkuana.” No makasabettayo ti agtutubo iti tay-ak ti serbisio, alaentayo iti tiempo, no kumanunong dagiti nagannakda, a mangipakita iti libro kadagiti agtutuboda ken irepaso dagiti lawag ken ladawanna. No magundawayan a maam-ammo ni Jesus, dagiti agtutubo ita ti makabael a mangistoria maipapan kenkuana. Ni Jesus ket rnaysa a tao a nalaka a maasitgan.—Mat. 19:14, 15.
6 Ti panangbasa iti daytoy Katan-okan a Tao a libro ti mabalin a mangbalbaUw iti kabibiag dagiti tattao. Usarenyo ti material iti maudi a panid ti introduksion iti libro, idiay baba ti sub-tema a “Magunggonaan Babaen ti Panangammo Kenkuana.” Daytoy a material ti tumulong kadagiti tattao a mangipamaysa iti daydiay magun-odan manipud ti panangbasa iti libro. Adu kadagidiay adda iti teritoriayo ti mabalin nga agkunanto a kas iti nakuna ti maysa a tao kalpasan a nabasana iti libro: “Isut’ kasayaatan a libro a nabasak pay laeng! Binaliwanna ti biagko.”