Ti Biblia—Kadaanan a Moderno a Libro ti Sangatauan
1 Idinto ta ti Biblia isut’ Sao ti Dios, makapagtalektayo kenkuana a makaited iti agkurri a sungbat kadagiti moderno nga aldaw a problema. Ket ti organisasion ni Jehova mangted iti praktikal a tulong a mangsarak kadagita a sungbat babaen kadagiti publikasion agraman video. Gapuna, ragsakenmi nga iyanunsio a ti Ingles a bersion iti The Bible—Mankind’s Oldest Modern Book, ti maikadua kadagiti tallo a video a mangipakita ti pannakaipaltiing ti Biblia, ket maala itan ditoy Pilipinas. Maysa a 40 minutos ti kaatiddogna.
2 Kas iti immuna a video iti daytoy a serye, daytoy maikadua ket naipasdek met ti talekna iti Biblia kas nadiosan a giya. Usarenna dagiti ladawan a naala kadagiti daga ti Biblia ken museo iti aglawlaw ti lubong a tumulong kadatayo a bumigbig no kasano a sinaluadan ni Jehova ti Biblia iti sinigsiglo agingga kadagitoy aldawtayo. Makitayo no kasano ti kapudno ti Biblia a nasalimetmetan iti sidong ti naulit-ulit a panangkopia ken panangipatarus kenkuana. Makitayo no kasano a nasaluadan iti sidong ti nakaro a pannakabusor. Makitayo met dagiti nabiag a pammaneknek no kasano a ti Biblia ket nabaliwanna ti kabibiag dagiti tattao iti nasaysayaat a biag.
3 Daytoy a video ti tumulong iti napamiliaan a diskusion ken kadagiti estudiante ti Biblia—kas iti daydiay immuna. Masiguromi a bendisionan ni Jehova ti pannakausarna. Mabalinyon ti agpedido babaen iti departamento ti literaturayo iti kongregasion kas nadakamat idiay Dagiti Pakaammo. Ti video a Jehovah’s Witnesses—The Organization Behind the Name ket mabalin manen a maala. Dagitoy a video ti mausar laeng iti VHS recorder ta saan a mabalin iti Betamax.