Teokratiko a Damdamag

Angola: Bayat ti bulan iti Disiembre, immadu ti dagup iti naipaima a magasin iti nasurok a 10,000 manipud napalabas a kangatuan. Dagiti 21,965 nga agibumbunannag mangidadauloda kadagiti 60,691 a panagadal ti Biblia.

Equatorial Guinea: Dagiti 219 nga agibumbunannag nagragsakanda ti programa iti espesial nga aldaw ti asamblea bayat iti Disiembre. Adda kangatuan a 521 a timmabuno agraman 7 a nabautisaran.

Guatemala: Dagiti 13,243 nga agibumbunannag idi Disiembre nagrag-oda iti 32,911 a timmabuno kadagiti “Nadiosan a Sursuro” a Kumbension ti Distrito. Adda 597 a nagbautisar kadagitoy a kumbension.

Latvia: Agtultuloy ti panagabante iti trabaho idiay Latvia. Idi napan a Disiembre maysa a kangatuan dagiti 577 nga agibumbunannag ti nagreport. Agdagup iti 1,816 a panagadal ti Biblia iti naikondukta, ket nakaiwaras met dagiti agibumbunannag iti promedio a 20.5 a magasin ti tunggal maysa.