Panagsagana a Maipaay ti Memorial

Tunggal maysa kadi, agraman ti ispiker, ket napakaammuanen iti eksakto nga oras ken lugar ti rambak? Sipapanunot aya ti ispiker a ti programa ket saan a lumbes iti 45 minutos?

Adda kadin natudingan a mangala kadagiti emblema? (Kitaenyo Ti Pagwanawanan a Pebrero 15, 1990, pinanid 16-18.) Naaramiden aya ti urnos a maipaay iti lamisaan nga addaan nadalus a mantel ken umdas a kopa ken pinggan?

Naaramid kadin ti plano a mangdalus iti Kingdom Hall sakbay ken kalpasanna? Nadutokanen aya dagiti attendant ken agipasa? Nayiskediul kadin ti miting a mangiwardas kadagiti rebbengenda sakbay ti Memorial? Ania ti pamay-an a masurot tapno maisiguro a maserbian a siuumiso dagiti amin? Naaramid kadin ti urnos a tumulong kadagiti nataengan ken baldado a kakabsat a lallaki ken babbai a tumabuno?