Dagiti Kontribusion iti Sangalubongan a Trabaho ti Sosiedad Suportaranna ti Panagsaknap
Kas naipadto iti Isaias 54:2, 3, agtultuloy ti panagsaknap ti nadalus a panagdayaw ken Jehova iti intero a daga. Ramanen daytoy dagiti nagduduma a pagilian ti Africa ken dagiti kabangibang nga isla. Iti napalabas a sangapulo a tawen, nagpatinggan ti pannakaipawil ti trabaho ti Pagarian idiay Angola, Cameroon, Equatorial Guinea, Ethiopia, Madagascar, Malawi, Mozambique, ken Togo. Kadagitoy ken iti dadduma pay a pagilian a ti talon ket natangkenanen a maani, ginasut a misionero ti Gilead, graduado iti Ministerial Training School, miembro ti pamilia ti Bethel, ken dadduma pay ti nangawat kadagiti annongen.—Mat. 9:37, 38.
Nalawag, ti panagadu dagiti pudno a managdaydayaw iti organisasion ni Jehova sapulenna ti panagbangon iti ginasut a baro a Kingdom Hall. Kasapulan met ti panagplano kadagiti Assembly Hall ken baro wenno napalawa a pasilidad dagiti sanga. Ti kuarta a naaramat kadagitoy a proyekto, saan laeng nga iti Africa no di ket iti dadduma pay a paset ti lubong ket naggapu iti naited a kontribusion para iti sangalubongan a trabaho ti Sosiedad.
Ikkannakayo dagiti ladawan ken drawing kadagiti dua a panid daytoy a suplemento iti ideya no ania ti ikagkagumaan ti Sosiedad nga aramiden idiay Africa. Dagiti naipakita ket sumagmamano laeng kadagiti madama a mabangbangon ken proyekto a mangrugi iti mabiit.
No sukimatenyo ti tsart ti serbisio iti tay-ak iti 1996 Yearbook, ad-adda a makitayo no ania ti magapgapuanan iti ministerio dagiti agibumbunannag kadagitoy a pagilian. Nagpaiduma a panagrang-ay ti maar-aramid, ket maanninaw ti potensial nga irarang-ay iti nagpaiduma a kaadu ti timmabuno iti Memorial. No adda iti panunottayo ti maar-aramid met iti dadduma a kontinente, mabigbigtayo nga anian a pribilehiotayo ti mangsuportar iti pudno a panagdayaw iti material a pamay-an.—Luc. 16:9; 1 Tim. 6:18.
[Ladawan iti panid 3]
Kingdom Hall idiay KwaZulu-Natal, South Africa, nabangon iti 9 nga aldaw
[Ladawan iti panid 3]
Naekonomia a Kingdom Hall a naaramid kadagiti nasukog a konkreto a panel idiay Nigeria
[Ladawan iti panid 3])
Assembly Hall idiay Mozambique nga addaan kadagiti tugaw para iti 1,500, a maileppas iti ngudo ti 1996
[Ladawan iti panid 3]
Pasilidad ti sanga idiay Mozambique, a maokuparan iti otonio ti 1996
[Ladawan iti panid 3]
Sanga idiay Sierra Leone, a maileppas iti daytoy a kalgaw
[Ladawan iti panid 4]
Naileppas a saan a nakubong nga Assembly Hall idiay Mauritius, agraman pasilidad ti sanga, a maileppas iti primavera ti 1997
[Ladawan iti panid 4]
Sanga ti Zimbabwe a madama a mabangbangon
[Ladawan iti panid 4]
Saan a nakubong nga Assembly Hall ken baro a sanga a madama a mabangbangon idiay Senegal
[Ladawan iti panid 4]
Baro a sanga ti Kenya, idiay Nairobi, a kabesera
[Ladawan iti panid 4]
Sanga ti Madagascar,a maileppas iti saan a mabayag
[Ladawan iti panid 4]
Nakaplano a patakder ti sanga iti Malawi