Napasimple a Pamay-an ti Panangitultuloy iti Suskripsion
Agingga ita, dua a pakaammo ti aw-awaten dagiti suskritor Ti Pagwanawanan ken Agriingkayo! no agpason ti suskripsionda. Ti umuna ket maysa a datin a nayimprenta a porma a napauluan Expiring Subscription a maited kadagiti suskritor babaen ti kongregasion.
Ti maikadua a pakaammo isu ti porma para iti panangitultuloy iti suskripsion a nairagpin iti bungon ti magasin a direkta a naipatulod iti suskritor. Mangrugi iti ruar a Hunio 1 ken Hunio 8 ita a tawen, dagiti suskritor kadagiti magasin saandanton nga umawat iti porma a nairagpin iti magasin para iti panangituloy iti suskripsion. Imbes ketdi, maysa a pakaammo nga agpason ti suskripsion ti mayimprentanto iti bungon ti suskripsion.
Ti mensahe a nayimprenta iti bungon ti magasin ti agserbinto a palagip a dandanin agpaso ti suskripsion. No makitayo ti nayimprenta a mensahe ngem awanen ti naawatyo a porma para iti Expiring Subscription, pangngaasiyo ta ibagayo iti kabsat a makinrebbeng kadagiti suskripsion iti kongregasionyo. Dagiti porma para iti panangitultuloy iti suskripsion ket rumbeng a kanayon a maipatulod babaen ti kongregasion.
No dagiti suskripsion ket naala idiay tay-ak, ti kangrunaan a mausar a mangipakaammo isu ti datin a nayimprenta nga Expiring Subscription a porma nga ibunong ti kongregasion. Apaman a sumangpet dagitoy a porma iti kongregasion, maipaganetget a mayawat dagitoy kadagiti mismo nga agibumbunannag a nakapagpasuskribir. Agsipud ta saanton nga umawat dagiti suskritor iti porma a nairagpin iti magasin para iti panangitultuloy iti suskripsion, nesesita a sarungkaran dagitoy nga interesado a tattao tapno paregtaen ida a mangitultuloy kadagiti suskripsionda.—Kitaenyo Ti Ministeriotayo iti Pagarian, Nobiembre 1988, panid 8, ken Pebrero 1986, panid 4.
Dagitoy naintiempuan a magasin agtultuloyto a mangisilnag iti naespirituan a lawag iti daytoy nasipngetan a lubong. Inanamaenmi nga amin ket makitinnulong iti daytoy baro nga urnos tapno saan a maikapis dagiti amin a suskritor iti uray maysa laeng a ruar Ti Pagwanawanan ken Agriingkayo!