Dagiti Probision a Tumulong Kadatayo a Mangliklik iti Dara
Dagiti bautisado nga agibumbunannag nga addaanen iti kard nga Advance Medical Directive/Release wenno Identity Card iti 2003 dida masapulen nga agpabaro iti kard para iti tawen 2004. Bayat ti Gimong ti Serbisio iti lawas ti Disiembre 29, addaan koma ti sekretario iti umdas a kard para kadagiti kabbaro a bautisado nga agibumbunannag, kadagiti annakda, ken kadagidiay makasapul iti kabbaro a kard. Saanen a basta maipatulod dagitoy kadagiti kongregasion. No awan ti umdas a suplay a kard iti kongregasion, mabalin a damagen ti sekretario no adda pay maala kadagiti kabangibang a kongregasion wenno agkiddaw iti ad-adu a kard iti sumaganad a panagpedido ti kongregasion iti literatura.
Dagiti kard ket masuratan koma a siaannad iti pagtaengan ngem SAAN a mapirmaan. Maaramid ti panangpirma, panangsaksi, ken panangpetsa iti sumaganad a Panagadal iti Libro ti Kongregasion, ket tumulong ti manangaywan iti panagadal iti libro no kasapulan. Rumbeng a siiimatang dagiti saksi no agpirma ti makinkukua iti kard.
Dagiti di bautisado nga agibumbunannag mabalinda ti mangisurat iti direktiba para kadakuada ken kadagiti annakda. Mabalinda a kopiaen ti Advance Medical Directive/Release card ken Identity Card.