Agsarungkarkayo Koma a Dagus

Siasino ti masarungkaran a dagus? Dagidiay nagkiddaw iti literatura wenno regular a maitultulodan iti magasin wenno dagidiay mayat nga adda sumarungkar a Saksi kadagiti pagtaenganda. Naggapuan dagitoy a kiddaw? Kadagiti tattao a nakiuman iti sanga nga opisina babaen ti surat, telepono, wenno babaen ti opisial nga Internet Web site-tayo. No maipakita ti kasta nga interes, ti sanga nga opisina pakaammuanna ti lokal a kongregasion babaen ti S-70 a porma, nga addaan iti paulo a “Please Arrange for a Qualified Publisher to Call on This Person” (Pangngaasiyo ta Mangyurnoskayo iti Kualipikado nga Agibumbunannag a Sumarungkar iti Daytoy a Tao). No makaawat dagiti panglakayen iti S-70 a porma, itedda koma a dagus dayta iti agibumbunannag a sigaganetget a mangsarungkar iti interesado a tao. No ti agibumbunannag saanna a madandanon dayta a tao iti pagtaenganna, mabalinna nga awagan iti telepono wenno siaannad a mangibati iti nota. No sika ti makiddaw a sumarungkar, ikagumaam koma a sarungkaran a dagus ti interesado a tao.