No Ania ti Ibagayo Maipapan Kadagiti Magasin

Ti Pagwanawanan Hul. 15

“Bayat ti rinibu a tawen a pakasaritaan ti tao, nakaad-adu a pammati ti timmanor iti sangatauan. Iti panagkunayo, posible ngata a maammuan no ania ti pudno ken saan a pudno? [Palubosanyo a sumungbat.] Ilawlawag daytoy a magasin no pakasarakanyo kadagiti pudno a sursuro a makaay-ayo iti Dios.” Basaenyo ti 2 Timoteo 3:16.

Agriingkayo! Hul. 22

“Nakalkaldaang a makita dagiti panagsagaba a gapuanan dagiti natural a didigra. [Mangdakamatkayo iti pagarigan a pagaammo iti lugaryo.] Iti panagkunayo, kumarkaro kadi dagiti kasta a didigra? [Palubosanyo a sumungbat.] Sungbatan daytoy a magasin dayta a saludsod. Liwliwaenna pay dagidiay napukawan kadagiti patpatgen gapu kadagiti kasta a trahedia.” Basaenyo ti Juan 5:28, 29.

Ti Pagwanawanan Ago. 1

“Adu a tattao ita ti makarikna nga awan serserbida. Ania ti pagarupenyo a makatulong kadakuada? [Palubosanyo a sumungbat.] Salaysayen daytoy a magasin no kasano a ti Biblia ket makatulong kadagiti kasta a tattao a mangbirok iti napaypayso a rag-o.” Itampokyo dagiti teksto a nakaitaliko ken napuskol ti pannakaisuratna iti artikulo a “Matulongannakayo ti Biblia a Maaddaan iti Rag-o.”

Agriingkayo! Ago. 8

“Adu a tattao ti agbibiag a kanayon a mabutbuteng. Ania ti pagarupenyo a makagapu iti kasta a panagbuteng? [Palubosanyo a sumungbat.] Mangipaay daytoy a magasin kadagiti praktikal a singasing a mangsaluad kadatayo kadagiti gagangay a peggad. Salaysayenna pay ti kari ti Biblia maipapan iti lubong nga awanan iti buteng.” Basaenyo ti Isaias 11:9.