No Ania ti Ibagayo Maipapan Kadagiti Magasin

Ti Pagwanawanan Ago. 15

“Kayatmi koma a maammuan no ania ti opinionyo maipapan iti maysa a banag a kinuna ni Jesus. [Basaenyo ti Mateo 5:5.] No matungpal daytoy a kari, iti panagkunayo kastoyto met laeng ngata ti kasasaad ditoy daga? [Palubosanyo a sumungbat.] Daytoy a magasin ilawlawagna manipud iti Biblia no kasano a baliwanto ni Jesus ti kasasaad ditoy daga. Ipakitana pay no siasino dagiti agtawidto iti daga.”

Agriingkayo! Ago.

“Iti panagkunayo, makitatayto ngata manen dagiti ing-ingungotentayo a pimmusay? [Palubosanyo a sumungbat.] Imutektekanyo ti kari ni Jesus maipapan kadagiti natay. [Basaenyo ti Juan 5:28, 29.] Daytoy nga artikulo ilawlawagna manipud iti Biblia no ania ti mapasamak no mataytayo.” Itampokyo ti artikulo a mangrugi iti panid 28.

Ti Pagwanawanan Set. 1

“Adu a tattao ita ti saanen nga interesado iti relihion. Iti panagkunayo, makatulong ngata ti kinarelihioso tapno agbalin a nasaysayaat ti maysa a tao? [Palubosanyo a sumungbat.] Paliiwenyo no ania ti impadto ti Biblia a sapulento ti dadduma a tattao iti relihion bayat dagiti maudi nga aldaw. [Basaenyo ti 2 Timoteo 4:3, 4.] Ilawlawag daytoy a magasin no kasano a pakaidayawan ti Dios ken pakagunggonaantayo ti pudno a panagdayaw.”

Agriingkayo! Set.

“Pampanunoten ti adu a tattao no nasientipikuan ti panamati iti Dios. Ania ti pagarupyo? [Palubosanyo a sumungbat sa basaenyo ti Hebreo 3:4.] Usigen daytoy nga espesial a ruar ti Agriingkayo! dagiti pammaneknek a nangtignay kadagiti dadduma a sientista a mamati iti Namarsua.”