No Ania ti Ibagayo Maipapan Kadagiti Magasin

Ti Pagwanawanan Ago. 1

“Umanamongkayo kadi a naragragsak ti pamilia no tungpalenda daytoy a bilin ni Jesus? [Basaenyo ti Juan 13:34 sa palubosanyo a sumungbat.] Ipakita daytoy nga artikulo no kasano nga agaplikar iti tunggal miembro ti pamilia dagiti pannursuro ken ehemplo ni Jesus.” Itampokyo ti artikulo iti panid 16 ken 17.

Agriingkayo! Ago.

“Iti panagkunayo, kabaelan ngata a risuten dagiti gobierno ti tao dagiti parikut mainaig iti panagbara ti globo? [Palubosanyo a sumungbat sa basaenyo ti Jeremias 10:23.] Sigurado a magustuanyo daytoy nga artikulo. Ilawlawagna ti solusion ti Dios kadagiti parikut a nangyeg iti peligro iti planetatayo.”

Ti Pagwanawanan Set. 1

“Ammo ti kaaduan a tattao ti sasao ni Jesus a nailanad iti Mateo 6:9. [Basaenyo.] Kaskasdi, adu ti marigatan nga umadani iti Dios kas maysa nga Ama. Iti panagkunayo, kasanotayo a makaadani iti Dios? [Palubosanyo a sumungbat.] Ilawlawag daytoy a magasin dagiti nadumaduma a kualidad ti nailangitan nga Amatayo ken no kasanotayo a maam-ammo.”

Agriingkayo! Set.

“Adun a siglo a napagdedebatean ti maipapan iti biag kalpasan ti ipapatay. Ania ti kapanunotanyo maipapan iti daytoy? [Palubosanyo a sumungbat.] Imutektekanyo ti pammati nga inyebkas ni Job. [Basaenyo ti Job 14:14, 15.] Idatag daytoy nga artikulo no ania ti kuna ti Biblia maipapan iti biag kalpasan ti ipapatay.”