No Ania ti Ibagayo Maipapan Kadagiti Magasin

Ti Pagwanawanan Ago. 15

“Ania ti panagkunayo a katan-okan a kita ti kinasungdo? [Palubosanyo a sumungbat.] Ipaganetget daytoy a magasin ti kinasungdo iti pudno a Dios. [Iturongyo iti panid 5, ken basaenyo ti 2 Samuel 22:26.] Ammoyo kadi a ti kinasungdo iti Dios tulonganna dagiti tattao tapno maliklikanda ti agtignay nga awanan ayat kadagiti sabsabali? Ammok a maragsakankayo a mangbasa iti daytoy.”

Agriingkayo! Ago. 22

“Madanagankayo aya a mabalin a saanen a malapdan ti sangatauan ti problema iti polusion? [Palubosanyo a sumungbat.] Ti maysa a kangrunaan a makagapu iti problema ket ti panagbalin a managsayang. Insuro ni Jesus dagiti adalanna a saanda koma a managsayang. [Basaenyo ti Juan 6:12.] Ilawlawag daytoy a magasin no kasano a ti panangsurot kadagiti prinsipio ti Biblia tulonganna dagiti pamilia tapno maliklikanda ti agbalin a managsayang.”

Ti Pagwanawanan Set. 1

“Napaliiwyo kadi nga iti adu a lugar, saan nga agaammo dagiti agkakaarruba a kas idi? [Palubosanyo a sumungbat.] Dinakamat ni Jesus ti maysa a napateg a prinsipio tapno agbalintayo a nasayaat a kaarruba. [Basaenyo ti Mateo 7:12.] Ipakita dagitoy nga artikulo no kasanotayo nga agbalin a nasayaat a kaarruba ken maparegta dagiti sabsabali nga agbalin met a kasta.”

Agriingkayo! Set. 8

“Kadagiti adu itatta, saan a natalged ti biag. [Basaenyo ti Eclesiastes 9:11.] Sadino ti pakasarakan iti mapagtalkan a giya? [Palubosanyo a sumungbat.] Agpannuray dagiti dadduma iti numerology. Daytoy kadi ti wagas a pakaammuanyo iti gasatyo? Sadino ti pakasarakanyo iti mapagtalkan nga impormasion maipapan iti masanguanan? Ipaay ti Agriingkayo! dagiti sungbat.”