No Ania ti Ibagayo Maipapan Kadagiti Magasin

Ti Pagwanawanan Ago. 15

“Napateg kadagiti adu a tattao ti nasayaat a reputasion. Maseknan pay ketdi ti dadduma no anianto ti pakasarsaritaanda inton matayda. Napanunotyo kadin dayta? [Palubosanyo a sumungbat. Kalpasanna, basaenyo ti Eclesiastes 7:1.] Ilawlawag Ti Pagwanawanan no kasanotayo a maaddaan iti nasayaat a nagan iti imatang ti tao ken ti Dios.”

Agriingkayo! Ago. 22

“No dakayo wenno ti kameng ti pamiliayo ket naasinganen, ammoyon no kasano kasaem dayta. [Palubosanyo a sumungbat.] Mangipaay daytoy a ruar ti Agriingkayo! kadagiti praktikal a singasing para kadagiti biktima ti panangasing. Dakamatenna pay ti kari ti Dios inton naan-anay a maawanen dagiti kasta a parikut.” Basaenyo ti Mikias 4:4.

Ti Pagwanawanan Set. 1

“Adu ti agkuna a dagiti nadumaduma a relihion iti sangatauan ket nadumaduma laeng a dalan a maymaysa ti pagturonganda. Patien met ti dadduma nga adda laeng maymaysa a pudno a pammati. Napanunotyo kadin dayta? [Palubosanyo a sumungbat.] Usigen daytoy a magasin ti nagkauna a pangngarig a mangilawlawag iti dayta a saludsod.” Itampokyo ti Mateo 13:24-30.

Agriingkayo! Set. 8

“Dakkel ti impluensia dagiti uso iti biag dagiti tattao iti kaaldawantayo. Marikna ti dadduma a ti la kawes ken langa ti kitkitaen dagiti tattao. Ania ti makunayo? [Palubosanyo a sumungbat.] Ipakita daytoy nga Agriingkayo! ti balanse a panangmatmat iti uso.” Basaenyo ti Colosas 3:12.