No Ania ti Ibagayo Maipapan Kadagiti Magasin

Ti Pagwanawanan Ago. 15

“Kayatko a maammuan no ania ti makunayo maipapan iti daytoy. [Basaenyo ti Hebreo 3:4.] Umanamongkayo kadi nga adda intelihente a nangdisenio iti uniberso? [Palubosanyo a sumungbat.] Usigen daytoy a magasin no ti panamati iti Diseniador ket maitunos iti pudno a siensia.”

Agriingkayo! Ago.

No agtutubo ti makasaritayo, mabalinyo a kunaen: “Adu a kasadaram ti nasaktan gapu iti tsismis. Napadasam kadin ti naitsismis? [Palubosanyo a sumungbat.] Mangted ti Biblia iti nasayaat a balakad a makatulong kadatayo no maitsismistayo. Ipakitana pay no kasanotayo a maliklikan ti panagtsismis.” Itampokyo ti artikulo a mangrugi iti panid 12, ken ibasayo ti maysa kadagiti teksto iti artikulo.

Ti Pagwanawanan Set. 1

“Adu ti agkuna a ti ‘Daan a Tulag’ ket mangipaay iti makatulong nga impormasion maipapan iti historia. Ngem saanda nga ammo no agaplikar iti kaaldawantayo dagiti pagalagadan a nailanad iti dayta. Ania ti makunayo? [Palubosanyo a sumungbat sa basaenyo ti Roma 15:4.] Ipakita daytoy a magasin no kasano a ti ‘Daan a Tulag’ ket mangipaay iti balakad a makatulong iti inaldaw a panagbiagtayo ken ikkannatayo iti napaypayso a namnama iti masanguanan.”

Agriingkayo! Set.

“Iti panagkunayo, gapuanan ngata ti Dios dagiti didigra? [Palubosanyo a sumungbat sa basaenyo ti Deuteronomio 32:4.] Ilawlawag daytoy a magasin no apay nga impalubos ti Dios a mapasamak dagiti didigra. Isalaysayna pay no kasano a masalakniban ti pamiliayo.”