No Ania ti Ibagayo Maipapan Kadagiti Magasin

Ti Pagwanawanan Hun. 15

“Iti panagkunayo, posible ngata ti agbalin a naragsak iti laksid dagiti parikut a mapaspasarantayo? [Palubosanyo a sumungbat.] Daytoy a magasin iturongna ti atensiontayo iti daydiay pagpaiwanwanantayo a makatulong kadatayo a mangdaer a sibaballigi kadagiti parikut iti biag. Ilawlawagna pay ti pammabileg nga itden ti pudno a namnama.” Basaenyo ti Apocalipsis 21:3, 4.

Agriingkayo! Hun.

“Umanamongkayo kadi a napateg ti panangipangag kadagiti pakdaar kas ipakita dagiti nabiit pay a didigra? [Palubosanyo a sumungbat.] Salaysayen daytoy nga artikulo dagiti leksion a nasursuro dagidiay nakalasat iti bagio a Katrina. Dakamatenna pay ti maysa a pakdaar a nasken nga ipangagtayo amin ita.” Itampokyo ti artikulo a mangrugi iti panid 14.

Ti Pagwanawanan Hul. 1

“Iti daytoy lubong a napno iti riribuk, adu a tattao ti mangyim-imtuod: ‘Apay a napno ti biag kadagiti parikut? No adda Dios, apay nga awan ti ar-aramidenna tapno maikkat ti panagsagaba?’ Pinampanunotyo kadin dayta? [Palubosanyo a sumungbat.] Ipaay daytoy a magasin dagiti makaisuro a sungbat ti Biblia kadagita a saludsod.” Basaenyo ti 2 Timoteo 3:16.

Agriingkayo! Hul.

“Iti kaaldawantayo, umad-adu dagiti agassawa a marirriribukan. Iti panagkunayo, magunggonaan ngata dagiti agassawa no iyaplikarda daytoy naipaltiing a balakad? [Basaenyo ti Efeso 4:32 sa palubosanyo a sumungbat.] Usigen daytoy a ruar ti Agriingkayo! dagiti prinsipio ti Biblia a napaneknekanen nga epektibo ken makatulong kadatayo a maaddaan iti naragsak a panagasawa.”