No Ania ti Ibaga No Itukon Dagiti Magasin

Ti Pagwanawanan Abril 1

“Adda dagiti mamati a ti masakbayantayo ket inkeddengen ti gasat, idinto ta patien dagiti dadduma a datayo ti mangar-aramid iti gasattayo. Ania met ti makunayo? [Palubosanyo a sumungbat.] Imutektekanyo daytoy a makapainteres a sasao. [Basaenyo ti Eclesiastes 9:11.] Daytoy nga artikulo ilawlawagna ti sungbat ti Biblia iti saludsod a ‘Naikeddeng kadin a nasaksakbay ti pagtungpalantayo?’” Itampokyo ti artikulo a mangrugi iti panid 26.

Agriingkayo! Abril

“Adu a pagassawaan ti agtungpal iti diborsio gapu iti panangliput. Panagkunayo makatulong kadi daytoy a teksto tapno mataginayon ti panagasawa? [Basaenyo ti Mateo 5:28 sa palubosanyo a sumungbat.] Daytoy nga artikulo usarenna ti Biblia a tumulong kadagiti agassawa a mangliklik iti silo ti kinagulib.” Itampokyo ti artikulo a mangrugi iti panid 28.

Ti Pagwanawanan Mayo 1

“Iti panagkunayo, ania ngata ti mangparigat iti maysa a tao a maaddaan iti pammati iti Dios? [Palubosanyo a sumungbat.] Sigun iti daytoy a teksto, napateg ti pammati. [Basaenyo ti Hebreo 11:6.] Ilawlawag daytoy a magasin dagiti uppat nga addang nga aramidentayo tapno bumileg ti pammatitayo.”

Agriingkayo! Mayo

“Umad-adu a tattao ita ti mangab-abuso kadagiti naireseta nga agas. Panagkunayo, apay ngata nga ar-aramidenda daytoy? [Palubosanyo a sumungbat.] Dakamaten ti Biblia ti maysa a kangrunaan a makagapu, nangruna kadagiti ubbing. [Basaenyo ti Proverbio 13:20.] Salaysayen daytoy a magasin no kasanoyo a salakniban ti bagiyo ken ti pamiliayo iti daytoy a parikut.”