No Ania ti Ibagayo Maipapan Kadagiti Magasin

Ti Pagwanawanan Okt. 15

“Saan a masigurado ti adu a tattao no ania ti agur-uray iti masanguanan isu a nasaysayaat kano no agbiagtayo laengen para iti agdama. Ania ti makunayo? [Palubosanyo a sumungbat.] Kastoy ti makaparagsak a kinuna ni Jesus. [Basaenyo ti Mateo 6:34.] Ilawlawag daytoy a magasin no kasanotay a maiplano ti masanguanantayo iti pamay-an a ditay unay maringgoran iti dayta.”

Agriingkayo! Okt.

“Napadasantay aminen ti natayan iti ing-ingungoten. Iti panagkunayo, addada kadi idiay langit a mangbambantay kadatayo? [Palubosanyo a sumungbat.] Imutektekanyo ti kinuna ni Jesus idi natay ni Lazaro. [Basaenyo ti Juan 11:11.] Ilawlawag daytoy nga artikulo no dagiti natay ket sibibiag iti sabali a lugar wenno matmaturogda nga agur-uray iti panagungar.” Itampokyo ti artikulo a mangrugi iti panid 28.

Ti Pagwanawanan Nob. 1

“Iti panagkunayo, nasaysayaat ngata ti lubong no napakpakumbaba dagiti tattao? [Palubosanyo a sumungbat.] Imutektekanyo ti kinuna ni Jesus maipapan iti daytoy a galad. [Basaenyo ti Mateo 23:12.] Salaysayen daytoy nga artikulo ti kinapateg ti panagbalin a napakumbaba, uray nakaro ti kompetision ditoy lubong.”

Agriingkayo! Nob.

“Masansan idi nga agpapaiwanwan dagiti tattao iti Biblia. Ngem ita, adu ti agkuna a pagduaduaanda ti Biblia. Dakayo ngay? [Palubosanyo a sumungbat sa basaenyo ti 2 Timoteo 3:16.] Daytoy nga espesial a ruar ti Agriingkayo! paneknekanna a ti Biblia ket impaltiing ti Dios.”