No Ania ti Ibagayo Maipapan Kadagiti Magasin

Ti Pagwanawanan Okt. 15

“Patien ti dadduma a tattao a no ad-adu ti kuartada ad-adda met a makapnek ti biagda. Panagkunayo, pudno kadi daytoy? [Palubosanyo a sumungbat.] Imutektekanyo ti insurat ti maysa a nakabakbaknang a tao. [Basaenyo ti Eclesiastes 5:10.] Ilawlawag daytoy a magasin dagiti galad a nasaysayaat ngem iti material a kinabaknang.”

Agriingkayo! Okt. 22

“Adu a tattao ti mangibaga a napateg ti panangsanay kadagiti annak manipud iti kinaubingda. Talaga kadi a kasapulan daytoy ita? [Palubosanyo a sumungbat. Sa basaenyo ti Proverbio 22:6.] Dakamaten daytoy a ruar ti Agriingkayo! dagiti espesipiko a bambanag a mabalin nga aramiden dagiti nagannak tapno matulonganda dagiti annakda nga agbalin a nasayaat ken naballigi nga adulto.”

Ti Pagwanawanan Nob. 1

“Saan nga agtalek ti adu a tattao iti abilidad dagiti natauan a lider a mangrisut kadagiti agdama a parikut. Panagkunayo, adda ngata asinoman a makaibanag iti naipadto kadagitoy a bersikulo? [Basaenyo ti Salmo 72:7, 12, 16. Sa palubosanyo a sumungbat.] Ilawlawag daytoy a magasin no siasino daytoy a naipadto a lider ken no ania ti aramidenna.”

Agriingkayo! Nob. 8

“Umanamongkayo kadi a kasapulan dagiti annak ti pannarabay tapno madaeranda dagiti suot a pakaipaspasanguanda ita? [Palubosanyo a sumungbat. Sa basaenyo ti Efeso 6:4.] Usigen daytoy a magasin ti pudno a kaipapanan ti disiplina. Ilawlawagna pay no kasano a makaipaay dagiti nagannak iti pannarabay ken pannubngar iti pamay-an a dida maupay dagiti annakda.”